04-May-2022-تحریری مقابلہ گدا ہوں
زر مال کا طالب نہ ہی عزت کا گدا ہوں
سائل ہوں میں آقا کا زمانے سے جدا ہوں
ہونٹوں پہ نبی جی کے ترانے کو سجا کر
تقدیر کچھ ایسے میں بنانے میں لگا ہوں
کہہ دونگا فرشتوں سے ہے منزل مری جنت
تا عمر غلامی میں جو آقاکی رہا ہوں
جنت تو یقینا مجھے محشر میں ملے گی
پیدا جو میں امت میں شہ دیں کا ہوا ہوں
طیبہ سے کوئی لائے جو مٹی کو اٹھا کر
سنتے ہیں کہ کہتی ہے مریضوں کی دوا ہوں
شاید کہ خطاکار پہ اس بار کرم ہو
ہاتھوں کو اٹھائے ہوئے در پر میں کھڑا ہوں
ہر عہد کی سلطانی مبارک تمہیں کاظم
"صد شکر ہے میں آپ ﷺ کا ادنی سا گدا ہوں"
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاظم شیرازی یوپی
Amir
13-May-2022 05:20 PM
bahut khub
Reply
Dr. SAGHEER AHMAD SIDDIQUI
05-May-2022 12:50 AM
Wah
Reply
Neha syed
04-May-2022 04:08 PM
Nice 👍
Reply